Cunha moi boa xornada iniciaban este ano a tempada de pesca fluvial dous pescadores de Valdeorras. En menos de tres horas (de 8 a 11 da mañá deste domingo 21 de marzo) Toño Pacios e o seu fillo Cristian capturaban cinco fermosos exemplares de troita autóctona nas augas do río Sil.
“A máis pequena era de 1,200 kg e a máis grande de 2,700 kg e dúas que se nos escaparon”, explica o propio Toño asegurando que non sempre se pesca igual e un día poden coller cinco e otro nada pero este inicio de tempada, malia as baixas temperaturas da auga, non foi nada malo.
