Co fin de “reforzar os vencellos entre as distintas agrupacións da provincia”, a recén constituída Agrupación Local Socialista de Boborás, encabezada polo seu secretario xeral, Javier Lamas, celebraba na tarde-noite do 21 de novembro unha xuntanza “aberta a todos os compañeiros e compañeiras” ourensáns. O acto, celebrado en Brues (Boborás), contaba coa presenza de diversos membros da dirección provincial do PSdeG-PSOE como María Quintas e Raúl Fernández, así como coa de integrantes da candidatura socialista ao Congreso e ao Senado nas vindeiras eleccións xerais. Tamén asistía o deputado provincial pola comarca do Carballiño, Francisco Fraga, membros do grupo de goberno do Carballiño, voceiros/as e membros de diversas agrupacións da provincia.
No encontro os membros da Agrupación de Boborás amosaban o seu agradecemento “polo apoio recibido” e comunicaban a súa intención “de loitar polo desenvolvemento de Boborás e traballar a reo para posicionar ao PSOE coma a alternativa necesaria para o Concello”. Ademais aproveitaban a ocasión para “reforzar os lazos que unen aos membros do PSOE na provincia de Ourense”.
Fotos cedidas pola Agrupación Local Socialista de Boborás
