En portadaEntroido 2020Última hora

Bombos, gadañas e aixadas tomarán Trives o 16 de febreiro

A vila acollerá a XVI Xuntanza de Folións que promove a Asociación Os Labregos

Os Labregos abrindo o encontro de folións o pasado ano en Trives./ Foto: Carlos G. Hervella.

 

Ata 13 folións chegados dende diferentes puntos do oriente ourensán daranse cita en Trives o vindeiro domingo 16 de febreiro. Participarán no que será xa a 16ª edición dunha xuntanza que promove o folión trivés Os Labregos.

O punto de partida desta longa comitiva de máscaras, bombos, aixadas e gadañas será a Finca da Barreira ás 15:30h. O desfile abrírano os anfitrións, Os Labregos cos seus Boteiros, e a partir de aí poderá verse a outros doce folións, tres deles tamén triveses: As Maceiras, A Caniceira e A Lardeira.

 

Cartel desta 16 xuntanza dos Labregos, realizado por Luis Álvarez.

 

 

Tamén participarán os folións de Fradelo (Viana do Bolo), Manzaneda, Buxán (O Bolo), Carracedo da Serra (A Gudiña), a Asociación Xuntos polo Fulión de Vilariño de Conso, os Arrieiros de Petín, Os Viticultores de Vilamartín, o folión de Queixa e o da Veiga.

O desfile percorrerá o casco vello, que acostuma encherse de público, e rematará na praza do Reloxo. Os Labregos, que contan coa colaboración do Concello na organización deste encontro, agradecen a presenza desta ducia de folións aos que agasallarán ao finalizar o desfile cunha merenda.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close