A I Xornada previa de Valdeorras de Atletismo en pista do programa “Xogade” (Xogos Galegos Deportivos en idade escolar) deixaba moi bos resultados entre a decena de atletas triveses que participaban na cita, celebrada o 7 de abril nas pistas de Calabagueiros do Barco.
Así Jairo Álvarez García conseguía o primeiro posto en pelota (300 gramos) alevín, mentres que Nicolás Sierra Riós, quedaba segundo. Ademais Noa Rodríguez Pájaro quedaba segunda en pelota alevín feminina, mentres que Martín Rey Lage conseguía o primeiro posto na proba de 1.000m cun tempo de 4:05.16.
Ao mesmo tempo, nestas mesmas pistas de atletismo disputábase un control de marcas, no que Brais Fernández Mosquera quedaba primeiro na categoría alevín, cunha crono de 3:19,32.
Fotos: A.R.
