Cos nervios propios do primeiro día tralos meses de vacacións, os alumnos do CEIP Plurilingüe Condesa Fenosa do Barco comezaban na mañá deste 9 de setembro o novo curso escolar 2021/2022.
Aínda que a situación sanitaria é moito mellor que o ano pasado, nos centros escolares mantense o protocolo Covid do curso pasado. Así, seguindo as indicacións dos profesores e con puntualidade británica, os cativos dunha clase A, estaban na fila ás 9:15 horas e os dunha clase B facíano ás 9:20 horas, mentres os pais agardaban pacientes na beirarrúa de enfronte. A saída deste primeiro día está prevista para as 15 horas.
Os únicos que tiveron un horario diferente foron os máis pequenos do colexio que comezan en 3 anos xa que, teñen o seu propio horario correspondente ao “período de adaptación”.
Ademais das entradas es aídas escalonada, este curso mantéñense tamén os grupos burbulla, as mascarillas e a hixiene de mans, entre outras medidas.
Fotos: Carlos G. Hervella.