En portadaEn Portada EntroidoGalerías de fotosÚltima hora

Boteiros, fulións e carrozas toman Viana do Bolo nun multitudinario Domingo Gordo

Este concello celebraba tamén a 50 edición da Festa da Androlla cun xantar no pavillón e nunha carpa instalada ao seu carón

O latexo do Entroido deixábase sentir de xeito especial neste Domingo Gordo en Viana do Bolo. A vila vivía o 23 de febreiro a xornada central desta tradición cun multitudinario desfile que partía do Toural e percorría o centro ata a praza Maior.

Nel participaban unha vintena de fulións, precididos polas carreiras dos Boteiros. Así desfilaban os fulións do Tameirón (A Gudiña), A Veiga, Quintela do Pando (Viana do Bolo), Os Labregos de Trives, o de Buxán (O Bolo), Fornelos de Cova, Cabo da Vila, Grixoa, Punxeiro, Quintela de Edroso, As Carrelas, Bembibre, Santa Mariña, Penouta-Ramilo, Vilarmeao e Fornelo de Filloás, e o Alternativo, todos eles vianeses. Por vez primeira participaba a Asociación Xuntos polo Fulión de Vilariño de Conso e o desfile pechábao o ritmo do fulión de Fradelo (Viana).

Tamén podían verse carrozas de Dradelo, Vilaseco e do fulión Alternativo. E por suposto non faltaba a tradicional mascarada da Mula e do Maragato.

 

O alcalde de Viana do Bolo coa directora de Turismo de Galicia e dous Boteiros./ Foto cedida.

 

Despois do desfile dábase paso a Festa da Androlla que este ano cumpría o seu 50 aniversario. O Entroido de Viana do Bolo está declarado festa de interese turístico galego.

Fotos: Javier Brasa.

Máis información e fotos:
https://www.osil.info/o-desfile-do-domingo-gordo-en-viana-do-bolo-en-fotos/
https://www.osil.info/a-festa-da-androlla-de-viana-do-bolo-cumpre-medio-seculo-cun-cheo-absoluto/
https://www.osil.info/a-50a-festa-da-androlla-de-viana-do-bolo-en-imaxes/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close