Publicidade
EconomíaEconomíaÚltima horaViticultura

Brinde virtual con viños da Ribeira Sacra polo #DíaMovementoViñoDO

"Animámosvos a enviarnos as vosas fotos, brindando para difundilas nas redes e poñer en valor o traballo dos nosos viticultores e adegueiros", din dende esta Denominación de Orixe

 

Non poderá ser presencial, como en anos anteriores. Por cuarto ano consecutivo, o calendario do sector do viño con Denominación Orixe en España tiña unha cita este sábado, 9 de maio, co brinde do #DíaMovementoViñoDO. Pero, malia á situación de confinamento, o sector non se renuncia á cita.

“Desde o Consello Regulador da D.O. Ribeira Sacra quixemos manter esta cita polo que significa de posta en valor dos nosos viños e do traballo que denominacións de orixe, viticultores e adegas desenvolvemos na conservación e mantemento dos nosos territorios e do noso tecido económico. Propoñemos unha semana dedicada ao brinde Día movemento viño”, aseguran dende este órgano réctor.

Así, a D.O. Ribeira Sacra quere compartir do 6 ao 13 de maio este brinde colectivo e “animámosvos a enviarnos as vosas fotos, brindando con viño da D.O. Ribeira Sacra para difundilas nas redes e poñer en valor o traballo dos nosos viticultores e adegueiros. As fotos máis votadas recibirán premios que farán gozar aos seus autores das riquezas da Ruta do Viño de Ribeira Sacra, cando sexa posible”, adianta o seu consello regulador.

Participación e premios

Para participar nesta iniciativa é doado. Só hai que enviar unha foto por Whatsapp ao teléfono 647 59 57 47 entre o día 6 e as 00.00 do día 13 de maio. As fotos, que deben incluir brinde e botella de viño dunha marca da D.O. Ribeira Sacra, publicaranse no Facebook da D.O. Ribeira Sacra cos hastags #BrindisMovimientoVinoDO #BrindisDORS. As 3 fotos que logren máis “Me gusta” antes das 00h. do día 13 de maio obterán premio.

O sábado, 16 de maio, publicaranse os gañadores, que recibirán os seus premios en canto as circunstancias permitan gozar do enoturismo na Ruta do Viño de Ribeira Sacra.

Os premios serán para dúas persoas: comida ou cea nun restaurante da Ruta do Viño de Ribeira Sacra, aloxamento dunha noite e almorzo nun establecemento da Ruta do Viño de Ribeira Sacra e visita guiada a adega da Ruta do Viño de Ribeira Sacra con cata completa dos seus viños.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close