DeportesÚltima hora

Bronce no Campionato de Francia de volei praia para as xogadoras do Sousas Oira Praia de Ourense

Nuria Bouza e Erika Kiokmanaite conseguiron este metal no día de onte, 4 de agosto

 

 

Nuria Bouza e Erika Kiokmanaite, do Sousas Oira Praia, conseguiron no día de onte, 4 de agosto, o bronce no torneo de Portreux do Campionato de Francia de Volei Praia, que se disputou na localidade da Bretaña francesa de Portieux.

As xogadoras do club Volei Praia Milenio Ourense que realizaron un magnífico torneo venceron no partido polo terceiro e cuarto posto á parella local Naty Muíños- Maéva Guignan despois dun partido no que se demostrou unha clara superioridade de Nuria e Erika cun tenteo final de 2-0 (21-15 / 21-11). As xogadoras do Clb Milenio tan só cederon un partido en todo o torneo fronte ás actuais campioas de Francia Laura Longuet e Vendula Haragova que tamén se alzaron co título deste torneo de voley praia que é o de maior antigüidade e tradición de todos os que se disputan en Francia.

 

 

A parella do Sousas Oira Praia, Nuria e Erika, suman un novo éxito para o club ourensán neste torneo que serviu como banco de probas na súa preparación con vistas a afrontar a próxima fin de semana a quinta proba do Madison Beach Voley Tour que se disputará en Tarragona. Cabe lembrar que Nuria e Erika defenderán o título de campioas que conquistaron en terras tarraconenses na edición de 2018.

Artigos relacionados

Back to top button