PolíticaÚltima hora

Caballero e a ministra Isabel Celáa, na Festa da Rosa en Ourense

O secretario xeral dos socialistas galegos incidía na importancia da participación o 10N e chamou a "mobilizarse a tope"

 

O recinto feiral de Expourense convertíase en escenario neste 13 de outubro da Festa da Rosa en Ourense, que contaba coa presenza do secretario xeral do PSdeG, Gonzalo Caballero, e da ministra de Educación e voceira do Goberno, Isabel Celáa, que destacaban a importancia de “non perder nin un minuto” á hora de saír á rúa a convencer da importancia de ir votar o vindeiro 10 de novembro.

“Non podemos permitir que un só voto de progreso quede na casa, porque nos xogamos o futuro e a prosperidade da España e da Galicia que queremos”, evidenciou o líder dos socialistas galegos, quen chamou a “mobilizarse a tope”, dicía Caballero. Tamén insistíu na importancia da participación o 10 de novembro “para frear ás dereitas e á ultradereita” e “para dicirlle a Casado, a Abascal e a Rivera que queremos a Pedro Sánchez como presidente do goberno”.

Pola súa banda, a ministra de Educación chamou a vencer o “discurso de la antipolítica que están facendo as dereitas e a ultradereita, que buscan ganar as eleccións grazas á desmobilización”. Ademais cargou contra aqueles partidos que “ponen un cordón sanitario a un partido con máis de 140 anos de historia” e despois “unen os seus votos a Vox” alí onde lles dan as contas.

A encargada de abrir o acto foi a cabeza de lista ao Congreso por Ourense, Marina Ortega, quen chamou a “encher as urnas de ilusión e de dereitos” o vindeiro 10 de novembro, fronte á “suma das tres peores dereitas dos últimos anos” nunha coalición na que “Vox lidera o ideario”.

E despois de advertir de que unha provincia como Ourense “necesita o avance” que representa o goberno socialista, o secretario provincial do PSOE, Rafael Rodríguez Villarino, subliñou que “necesitamos este goberno” para “dar un cambio a esta terra” e impedir que se converta nun “erial”.

Como mostra, o dirixente provincial socialista apuntou que Ourense ten a idade media máis alta de España e a taxa de actividade máis baixa, polo que urxiu “un proxecto que dea un cambio a esta terra” como o que representa Pedro Sánchez e como o que traerá Gonzalo Caballero, “o próximo presidente da Xunta”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close