Cabo da Vila actúa no Ruxe Ruxe no marco das festas de Quiroga

Mañá, xoves 4 de agosto comezan as festas de verán en Quiroga (Lugo) e como no podía ser doutro xeito, na cervexería Ruxe Ruxe danlle a benvida con música.

Despois da festa techno da noite do mércores día 3 con Fernando Mesa e Out Law, mañá tócalle o turno ao rock, da man da banda de Viana do Bolo Cabo da Vila, de xira coa presentación do seu 5º disco “Antes de que lo coman los gusanos”.

O concerto será a partires das doce da noite e a idea é “ir quentando motores nunha semana na que se prevé gran ambiente na vila”, din dende o local de hostalaría quirogués.