Cunha hora de retraso chegaba á estación de ferrocarril da Rúa o Alvia que partía da Coruña ás 8h. deste domingo e que ten como destino Barcelona. Durante a tormenta desta mañá caía un raio sobre este tren mentres pasaba pola provincia de Lugo arredor das 10:15h, o que producía danos no mesmo e fume no interior dalgún vagón.
Como consecuencia disto o tren tivo que deter a súa marcha primeiro nun túnel, e logo no Sueiro, ata que chegou a Quiroga, onde se abriu o vagón para poder ventilalo, segundo contan testemuñas presenciais.
Isto ocasionou un retraso dunha hora no horario deste tren, sen embargo, ningunha das 204 persoas que viaxaban nel resultaban feridas.
