OurenseÚltima hora

Cambios na circulación e accesos ao CHUO debido ás obras

Teñen como obxectivo mellorar o acceso aos edificios

Cambios.

 

O inicio das obras de mellora das vías interiores do Hospital Universitario de Ourense (CHUO), levará consigo o corte do acceso rodado e peonil á entrada principal do Edificio Cristal, dende a rúa Ramón Puga ata o Cruceiro Quebrado. Este cambio levarase a cabo dende mañá, xoves 28 de agosto, e durará aproximadamente quince días.

As obras contan cun ivestimento de 47 000 euros, por parte da Xunta, e teñen como obxectivo a mellora do acceso de vehículos e peóns aos edificios Cristal, Nai e Materno “por medio da reparación do firme, ampliación e construcción de novas beirarúas, e de estacionamento de persoas de mobilidade reducida nestas áreas hospitalarias”.

 

Entrada ao novo edificio. Foto: Carlos Asensio (arquivo).

 

Así, o acceso en turismo dos usuarios de Atención Temperá será pola rúa traseira ao Materno, onde se habilitará unha zona de estacionamento.

Dende o organismo afirman que “os cambios no sentido de tráfico estarán debidamente sinalizados e non afectarán aos accesos a urxencias nin de ambulancias. Precisamente, para facilitar tanto a realización dos traballos como a normalidade dos accesos de vehículos sanitarios, a Xerencia de Xestión Integrada de Ourense solicita a colaboración e comprensión de tódolos usuarios”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close