CulturaCulturaEducaciónOurense

Campamento tecnolóxico de verán en Ourense

Uns 30 rapaces de 12 a 18 anos participan nos “Tecnópole Technological Workshops”
Participante no campamento.
Participante no campamento.

As instalacións das Aulas Tecnópole, no Parque Tecnolóxico de Galicia con sede en Ourense, acollen aos rapaces de entre 12 e 18 anos que participan nos “Tecnópole Technological Workshops (T2W)”, que comezaron esta semana e continuarán ata o 11 de xullo, co patrocinio das empresas R e Coremain.

Os 30 participantes do campamento de verán, experimentan das maneiras máis divertidas para adquirir competencias e habilidades tecnolóxicas. Tal como explican dende a Tecnópole “na mañá do 2 de xullo construíron foguetes impulsados por auga e pirámides con espaguettis, proxectaron figuras en 3D usando un smartphone e programaron robots, algunhas das actividades que están a desenvolver no único campamento tecnolóxico de verán que se celebra en Galicia”.

Ademais, “os campistas están experimentando estes días con robots construídos con pezas e mecanismos LEGO Mindstorms, co reto de aprender a programalos para realizar diferentes funcións de forma autónoma” engaden dende o campamento.

Todos os participantes traballarán durante estas dúas semanas no desenvolvemento de proxectos tecnolóxicos con diferentes graos de complexidade en función das súas idades. Para facelo posible, a formación inclúe nocións sobre o deseño de aplicacións móbiles e videoxogos, edición fotográfica e de vídeo, creatividade, biotecnoloxía, etc. Os mellores de cada categoría terán asegurada a súa participación na próxima Galiciencia, a feira científica que organiza Tecnópole no mes de novembro.

Os obxectivos deste campamento tecnolóxico consisten “no desenvolvemento da capacidade resolutiva e innovadora e na dinamización da axilidade mental e da creatividade”. Ademais de procurar que os alumnos e alumnas adquiran novos coñecementos tecnolóxicos, preténdese po enciar neles actitudes como o respecto mutuo, a colaboración e a socialización, xunto con habilidades relacionadas con falar ben en público, etc.

Este ano estase a intensificar a práctica do inglés, coa presenza dun profesor nativo que acompaña aos alumnos tódolos días durante as comidas e en varios talleres e actividades.

Dado que se trata dunha actividade integrada no tempo de vacacións dos participantes, trátase de fomentar a aprendizaxe a través do xogo, potenciando a creatividade e baseándose nas emocións e experiencias persoais. Así, durante o campamento os participantes practican tamén actividades deportivas en equipo ao aire libre, como a natación, o tenis ou o atletismo.

Fotos cedidas pola Tecnópole

Rapaces nunha das actividades.
Rapaces nunha das actividades.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close