ConcellosÚltima hora

Campaña municipal de sensibilización contra a violencia sexista nas festas galegas

O material que se remitirá aos municipios inclúe cartel xenérico co slogan unha cabeceira para uso en redes sociais
A secretaria xeral de Igualdade, Susana López Abella; o presidente da FEGAMP, Alfredo García; e a decana do Colexio Oficial de Psicoloxía de Galicia, Rosa Álvarez.

O presidente da Federación Galega de Municipios e Provincias, Alfredo García, a secretaria xeral de Igualdade, Susana López Abella e a decana do Colexio Oficial de Psicoloxía de Galicia, Rosa Álvarez, presentaban na mañá  do 3 de agosto a campaña de sensibilización que teñen realizado de forma conxunta as tres entidades baixo o título: “De troula con sentido, as festas galegas libres de violencia sexista”. Apélase desta forma ao xogo de palabras “con-sentido” tanto como sinónimo de “con prudencia”, como á necesidade de contar co “consentimento” expreso á hora de manter relacións sexuais.

O presidente da Fegamp, Alfredo García, destacou “o traballo conxunto das tres entidades que de forma colaborativa puxeron en marcha esta campaña co único fin de acabar coa lacra social que supón a violencia sexual”. Na presentación afondouse na importancia de que o material fose personalizable para os concellos xa que incide máis na conciencia da cidadanía.

O material da campaña inclúe un cartel xenérico co slogan da mesma que tamén se enviará por vía electrónica aos municipios en pdf editable que poderá personalizarse para cada concello galego e para cada festa e imprimirse en A-3. A campaña personalizable inclúe tamén material dixital, en concreto unha cabeceira para uso en redes sociais. Todos os concellos galegos recibirán á maior brevidade unha mostra de todo o material para poder ser usado nas festas de verán que se organicen no municipio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close