As pistas “Josefina Salgado” do complexo deportivo de Monterrei (Pereiro de Aguiar) acollerán o vindeiro sábado 18 de xullo, o campionato de Galicia absoluto de atletismo en pista. Un evento deportivo organizado pola Deputación de Ourense e a Federación Galega de Atletismo (FGA), que reunirá a máis de 540 atletas que competirán nas modalidades de velocidade, lanzamento e salto.
A proba era presentada na mañá do 16 de xullo na sala de xuntas do Pazo provincial, contando coa presenza de Rosendo Fernández, vicepresidente da Deputación de Ourense; Mario Guede, xefe do Servizo Provincial de Deportes; Ángel Fidalgo, secretario Técnico da FGA en Ourense; Virxilio Rodríguez, vicerreitor do Campus de Ourense; Manuel Blanco, delegado da FGA en Ourense, e Bernardino González, asesor de Deportes da Deputación de Ourense.
