CulturaCulturaGalerías de fotosÚltima hora

Candea de Viana protagoniza a segunda función das X Xornadas de Teatro da Rúa

O grupo de teatro afeccionado fixo rir ao público coa súa obra "Axencia Matrimonial A Media Laranxa"

 

Con grandes doses de humor continúan as X Xornadas de Teatro da Rúa, organizadas pola Asociación de Teatro A Ruada, nesta ocasión da man do grupo Candea de Viana do Bolo coa súa obra Axencia Matrimonial A Media Laranxa.

Na procura da súa parella ideal, unha serie de peculiares personaxes pasan polo despacho de Celestina, a propietaria da axencia matrimonial, que, axudada pola súa secretaria Leopolda, intenta facer realidade os soños dos seus clientes. Xente maior como Anselmo, Federico, Lisarda,… cada quen máis estrafalario e cuns intereses e gustos moi peculiares. É o argumento da obra de teatro que na tarde do 10 de novembro o grupo formado por Mariflor, Marisol, Félix, Mª Jesús e Celia facía rir ao público no Centro Cultural Avenida.

E trala función, os anfitrións (A Ruada) e os convidados (Candea) compartiron unha cea no restaurante A Lareira.

Fotos: Mónica G. Bellver excepto as tres últimas que son cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close