DeportesÚltima hora

Candela Novo, do Rúa Valdeorras CF, xogará no I partido Galicia Norte-Galicia Sur

O encontro, que contará con xogadoras de todos os equipos galegos de fútbol feminino, celebrarase este domingo en Cambados
Candela Novo nun partido no Aguillón da Rúa. /Foto: Mónica G. Bellver.

Co dobre obxectivo de promover o fútbol feminino e a integración de todo o fútbol feminino en Galicia, e da man do concelleiro de Deportes do Concello de Cambados, Víctor Caamaño, e do director da Revista do Fútbol Feminino, Carlos Castro, nace o primeiro Galicia Norte-Galicia Sur, un partido entre unha selección de Galicia Norte e outra de Galicia Sur, formadas polas mellores futbolistas galegas de todas as categorías. Das convocatorias e a dirección de ámbolos dous combinados encárganse Manu Sánchez, adestrador do Deportivo, e  Chicho Val, do Atlántida Matamá.

Formando parte do combinado Sur estará Candela Novo López, natural do Barco de Valdeorras e xogadora do Rúa Valdeorras CF. O adestrador do equipo valdeorrés, Ricardo Basteiro explica que foi o director da revista quen se puxo en contacto con para que lle recomendara a unha das súas xogadoras. “Pola súa idade, porque ten cualidades e tamén progresión eu pensei en Candela, e despois de falar con ela e co presidente do club, formará parte do equipo aínda que non sabemos cantos minutos xogará”, di o míster.

O partido xogarase o domingo 25 de xuño ás 12:30h. e pola tarde haberá unha gala no auditorio municipal do municipio arousano.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close