CulturaGalerías de fotosMúsicaÚltima hora

Cantos de Reis no II concerto solidario de Nadal celebrado na Rúa

Os fondos recadados na actuación de Tornaxeira e Abertal foron para a asociación Arela

Tornaxeira na parte dereita do escenario, Abertal (cantareiras, pandereteiras e coro) na parte esquerda, e o gaiteiro Manolo Durán, entre uns e outros. Con esta disposición se celebraba o II concerto solidario de Nadal, na tarde do 3 de xaneiro no Centro Cultural Avenida da Rúa.

O concerto comezaba coa proxección dun video sobre Arela (unha asociación que promove os dereitos dos nenos con dificultades familiares ou sociais, beneficiaria da recadación) e de seguido o grupo folk valdeorrés Tornaxeira comezaba a súa actuación ao son da “Alborada de Severina”. A partires de aí, o grupo poñía a música mentres os membros da Escola de Música Tradicional Abertal (dende os maiores ata os máis pequenos) ían subindo ao escenario para interpretar as súas propias cancións de Nadal e Reis.

O broche poñíano todos os participantes interpretando a un tempo varias pezas que arrancaron os aplausos e vítores dos asistentes.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close