“Irrespirable e agobiante”, estes son os dous cualificativos que se escoitaban na mañá de hoxe, 16 de outubro, polas rúas de Ourense. A capital das Burgas espertaba cuberta de fume e os coches e as rúas de cinza. O que de normal son néboas matinais que tapan á capital, hoxe era outro fenómeno: fume.
Tras unha noite intensa para toda Galicia, a cidade non foi alla a estes lumes que xa se levaron tres vidas en toda a comunidade. Se de cotío o mirador de Montealegre é un lugar onde se pode ver todo Ourense, hoxe non se podía nin ver un edificio da cidade. Dentro do casco urbano, o fume pendurado no ambiente e o cheiro queimado ateigou as rúas.
Segundo os datos achegados por Meteogalicia, a calidade do aire da capital foi cualificada de “moi mala” ás 13:00 horas.
Fotos: Carlos Asensio.
Máis fotos sobre a presenza de fume na provincia nas seguintes ligazóns:
A provincia amence cuberta polo fume e a cinza dos incendios forestais
https://osil.info/fume-toma-barco/
https://osil.info/rua-envolta-polo-fume-dos-incendios/