A estudante do IES Cosme López Rodríguez superou o 9 no Bacharelato e Selectividade
O IES Cosme López Rodríguez da Rúa súmase aos centros valdeorreses con alumnos entre os mellores estudantes de Galicia. Así o demostrou unha das súas alumnas, Carla Álvarez Blanco, que lograba a Excelencia Académica este ano ao obter unha nota superior ao 9 nas Probas de Acceso á Universidade (PAU).
Que Carla é unha boa estudante non cabe a menor dúbida pois xa conseguira Matrícula de Honra en 2º de Bacharelato. Agora lograba un 9,294 (entre 1º e 2º de Bacharelato e a fase xeral da Selectividade) e un 12,744 no cómputo xeral incluíndo as específicas.
Despois do verán, esta xove de 18 anos comezará unha nova etapa formativa, estudando Administración de Finanzas en Santiago de Compostela.
Foto cedida.