Atletismo, baloncesto, piragüismo, fútbol sala,… Son algúns dos deportes máis practicados polos cativos da comarca de Valdeorras, incluídos no programa de Deporte Escolar Xogade, e sobre os que trataron na reunión da Agrupación Deportiva Valdeorras celebrada na tarde do 14 de outubro no Barco.
Á xuntanza, para posta en marcha do programa Xogade 2019/2020 na comarca de Valdeorras, asistían algúns dos responsables dos clubs da comarca que se encargan das categorías base nas diferentes disciplinas (Adas Proinor, MV Barco, Atletismo Rúa,…); o novo Coordinador de Deporte Escolar SXD de Ourense, o ex futbolista Carlos Bericat (xogador, entre outros moitos equipos, do C.D. Barco); e o xefe do Servizo Provincial de Deportes da Xunta na provincia, Manuel Pérez.
Fotos: Mónica G. Bellver