Cun rexistro de 60 metros e 86 centímetros, o atleta valdeorrés Carlos Revuelta (CA Fent Camí Mislata) vén de facerse co cuarto posto en martelo no campionato de España de inverno de lanzamentos, celebrado en Montixo (Badaxoz). O lanzador valdeorrés buscará esta tempada mellorar a súa marca personal de 62,66 metros e reeditar o título de campión de España Universitario, que obtivo o ano pasado.
Ademais, o barquense Carlos Revuelta compaxina esta tempada o seu papel de atleta co de responsable do sector no Centro de Alto Rendemento da Residencia Blume de Madrid, onde como adestrador dirixe a varios lanzadores.
