En portadaGalerías de fotosÚltima hora

As casas do Serro (O Barco) ameazadas de novo polo lume

Un novo incendio forestal declarábase esta tarde nesta zona barquense

As chamas volven verse neste verán no Serro, a escasos quilómetros da vila do Barco. Pasadas as cinco da tarde do 7 de setembro producíase un novo incendio nesta zona, cunhas impresionantes chamas que se achegaban de maneira perigosa ás casas do lugar. A rápida actuación dos veciños fixo que, pese a celeridade coa que se propagaba o lume, non se visen afectadas as edificacións.

Ata O Serro desprazábanse os efectivos do GES Valdeorras e do Parque de Bombeiros comarcal. Tamén acudía ao lugar a Garda Civil. No intre de escribir estas liñas o lume xa pasaba para a zona da Barxa.

Fotos: Carlos G. Hervella.

Artigos relacionados

Back to top button