Galerías de fotosOurenseÚltima hora

Case 300 participantes na II Convivencia Intercomarcal Tuxo e Lela, na Mezquita

Este encontro infantil e familiar desenvolvíase na tarde do 28 de xuño na Debesa de Santigoso

Moita participación, diversos e orixinais obradoiros, exhibicións… A II Convivencia Intercomarcal Tuxo e Lela, celebraba na tarde do 28 de xuño na Debesa de Santigoso (A Mezquita) resultaba todo un éxito. Nela participaban os centros para nenos de 0 a 3 anos dos municipios da Mezquita, A Gudiña, Viana do Bolo, Vilariño de Conso, Riós e A Veiga.

En total xuntábanse uns 90 nenos e 200 adultos e nesta edición volvía a abordarse a temática da castaña, simbolizada nos personaxes que dan nome ao encontro, os bullotes Tuxo e Lela. Tratábase dunha convivencia de lecer en familia na que os pequenos podían desfrutar de inchables, multitude de obradoiros educativos e de animación, música, un contacontos, un xantar

Tras unha exitosa primeira edición no 2018 en Vilariño de Conso, desta volta será o concello da Mezquita o escenario da II Convivencia Intercomarcal “Lela e Tuxo”, que despregará un programa cargado de propostas de animación e música para os nenos, ademais dun xantar.

Había ademais exhibicións como a do camión do GES da Gudiña ou a da Garda Civil de Tráfico e tamén se contaba coa colaboración da Cruz Vermella.

Esta edición ten sido organizada pola Asociación Cultural Os Tres Reinos, que participaba coas cativas e cativos do seu Programa de Conciliación Familiar, e polo Concello da Mezquita, cuxo alcalde é Rafael Pérez.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close