En portadaGalerías de fotos

A castaña seca, raíña de Froxán

Esta localidade lucense celebraba o 6 de decembro a XVII Pisa da Castaña, organizada pola Asociación Cultural Fonte do Milagro

Multitude de persoas dábanse cita na xornada do 6 de decembro na XVII Pisa da Castaña Seca de Froxán (Folgoso do Courel). A celebración comezaba co acendido do sequeiro, situado á entrada do pobo. Pouco despois, comezaba o tradicional proceso de pisado e abandoxado, seguidos con atención por numeroso público.

Ao redor da unha tiña lugar unha homenaxe á Librería Celia, que dende hai anos participa cun posto de venda de libros nesta festa. A súa propietaria, Celia, recibía unha placa de mans da Asociación Fonte do Milagro (organizadora da Pisa) e tamén un agasallo do Periódico O Sil, que hai dous anos presentaba nesta mesma celebracióin o libro “Oro en la Galicia interior. Minería romana”, do que esta librería leva vendidos xa 207 exemplares. Ademais a Fundación Xermán Estévez entregáballe un libro de poesía referido a Ribeira Sacra e recentemente publicado por esta entidade.

De seguido, tiña lugar o acto do pregón a cargo do presentador e humorista Xosé Antonio Touriñán, quen minutos antes participaba tamén nos labores de pisado. Tras nomear, un a un, aos 21 veciños que na actualidade ten Froxán, Touriñán explicaba se maneira moi particular e facendo uso do humor a orixe do froito do castiñeiro.

E tras o pregón, chegaba o momento do xantar “do pisador”, cuxo ingrediente principal é a castaña. Pola tarde, continuaban as demostracións de pisado e abandoxado. Ademais ao longo da xornada non faltaba a música.

Fotos: Carlos G. Hervella/ Ángeles Rodríguez

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close