CulturaCulturaÚltima hora

Castro Caldelas acolle o festival Ponte Louco

Terá lugar esta fin de semana do 23, 24, 25 de agosto

 

Entre os grupos que actuarán nos cantos de taberna desta edición do Ponte Louco estarán As Macizas Centrais de Trives/. Foto: A.R.

 

O festival Ponte Louco terá lugar os vindeiros días 23, 24 e 25 de agosto. Está organizado pola ACX O Irrio en colaboración co Concello, e o bono terá un prezo de 5 euros. Así, a acampada será de balde.

Magín Blanco e a Banda das Apertas inaugurarán as actividades cun espectáculo infantil na Praza do Prado o venres ás 17:00 horas. A continuación, os cantos de taberna inundarán os bares da vila ás 19:00 horas. Entre os grupos que actuarán neste singular percorrido polos bares estará o das Macizas Centrais de Trives. A xornada rematará co concerto de Loro & The Blues Fellas na Praza do Prado ás 23:00 horas.

 

Cartel do festival.

 

O sábado 24 comezará coa Feira de Artesanía ás 11:00 horas e as Louco Olimpiadas ás 11:30 horas. Así, xa pola tarde, haberá xogos populares ás 16:00 horas e Anxo Moure será o contacontos ás 17:30 horas. Ás 20:00 horas terá lugar o pasarrúas Trópico de Grelos para que ás 23:30 horas comecen os concertos no castelo. Os artistas que actuarán serán García MC e nación Quilombo, El Bastón de la Vieja, The Lelli Kelly´s e o picadiscos Dani Carballo.

O domingo 25, a Praza do Prado acollerá o concurso de tortilla ás 12:30 horas, e o concerto de Sofía Espiñeira pechará o festival, ás 19:00 horas na Avenida de Ourense.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close