Publicidade
ConcellosÚltima hora

Castro Caldelas prepárase para celebrar os Fachós

Esta vila acollerá "entre lusco e fusco" o 19 de xaneiro esta tradicional procesión de lume

O gran fachón abrindo a procesión polo casco antigo de Castro Caldelas./ Foto: Carlos G. Hervella.

 

Arredor das 19:15 h. do domingo 19 de xaneiro porase en marcha o ritual da Festa dos Fachós de Castro Caldelas. Dende o adro da igrexa dos Remedos comezará a tradicional procesión cun San Sebastián de palla, seguido do Gran Fachón (de nunca menos de 30 m).

A partir de aí percorrerá as empinadas rúas do casco histórico da vila, dando a volta o Castelo, todo elo en completa escuridade a excepción da iluminación ornamental do Castelo. Detrás del irán os máis de 500 fachós individuais que o Concello pon o dispor dos participantes, todo elo acompañado da música de charanga e tradicional. “A ledicia, a participación da xente da bisbarra e visitantes, o compañeirismo e bo humor será o xeito de celebrar os Fachós”, asegura a alcaldesa de Castro Caldelas, Sara Inés Vega.

Ao remate do percorrido, os restos dos Fachós depositaranse nunha gran fogueira que se atopa na entrada do Santuario e comeza o aspecto gastronómico e musical.

Nela cobrarán protagonismo os chourizos feitos e curados con fume de carballo de Castro Caldelas, o pan artesán de forno de leña, o viño da DO Ribeira Sacra, ademais dunha “Queimada”, coa que se porá  toque final á festa, que este ano estará animada pola Charanga Terras do Bibei de Trives e o grupo Os Trabazos.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close