No marco da primeira fase da desescalada, dende o Concello de Castro Caldelas decidiuse recuperar as feiras. A primeira delas terá lugar o vindeiro 18 de maio. “De momento estará limitada a produtos alimentarios e agrarios”, segundo informa a alcaldesa, Sara Inés Vega.
Ademais, matiza que “tanto os postos de venda como o público deberá cumprir todas as recomendacións sanitarias: mascarillas, distancias, etc”. A rexedora tamén indica que “arrincamos de novo con todo o ánimo e responsabilidade”.
