Este ano debido a pandemia o campionato do mundo da carreira de ultra resistencia Backyard Ultra non se realizará en Tennessee (EE.UU.) e farase simultaneamente en cada país con saída ás 14 horas, sendo Castro Caldelas o concello que acolla a sede da carreira española.
Así, o vindeiro sábado 17 de outubro celebrarase neste concello ourensán a proba considerada máis dura do mundo na que non se busca o corredor máis rápido senón o máis resistente dando voltas a un circuíto de 6,7 km con saída cada hora ata que quede 1 só corredor que sexa capaz de completar unha volta máis. “Nesta proba de ultra resistencia sábese cando empeza pero non cando acaba”, aseguran dende a organización. Na edición do campeonato de España celebrado o pasado 26 de setembro tamén en Castro Caldelas conseguíuno Dani Corvo con 32 horas correndo e 214 km aínda que o récord está en 2 días e medio correndo.
Cada un dos 20 países que participa na proba compite con 15 corredores en modalidade individual e por equipos. Gana a selección co maior número de km sumados por equipo e queda como gañador individual o participante que en total, en calquera dos 20 países consiga dar máis voltas.
A Selección Española que competirá desde Castro Caldelas é mixta con 2 mulleres (no ano 2019 gañou unha muller en Tenesse correndo 60 horas) e vén moi forte. Os participantes que correrán en Castro Caldelas veñen desde Suíza, Romanía, País Vasco, Andalucía, Madrid, Castela A Mancha e Galicia.
A proba dos 20 países será retransmitida en directo a través de Facebook no seguinte enlace: https://www.facebook.com/groups/142055916440410/?multi_permalinks=689886994990630¬if_id=1602140226679460¬if_t=group_highlights&ref=notif