Castro Caldelas será proclamada unha das vilas máis bonitas de España

Este recoñecemento farase o 15 de xuño nun acto previsto ás 21:30h. na praza do Prado desta localidade

 

Patio do Castelo de Castro Caldelas./ Foto: Carlos G. Hervella.

 

O vindeiro vernes 15 de xuño o concello ourensán de Castro Caldelas celebrará a súa proclamación como unha das vilas máis bonitas de España. Será nun acto previsto ás 21:30 horas na praza do Prado coa presenza de diferentes autoridades.

Esta distinción, acadada a través da Asociación de los Pueblos más Bonitos de España supón, “para este concello e para todos os seus veciños un orgullo”, di a súa alcaldesa, Sara Inés Vega, e tamén “un recoñecemento ao traballo levado a cabo tanto na recuperación do casco histórico de Castro Caldelas, como das súas festas e tradicións, así como, na dinamización desta vila a nivel turístico e cultural”.

A rexedora tamén sinala que esa aposta tamén tense traducido nun “novo aliciente de recuperación económica atraendo inversións que fan deste pobo un referente a nivel turístico, no corazón da Ribeira Sacra”.

O acto de proclamación, que será presentado pola caldelá Lucía Rodríguez, incluirá a intervención das autoridades, así como actuacións musicais do tenor Bernardino Atienza, da Banda de gaitas Os Trabazos de Castro Caldelas e da Real Banda de gaitas de Deputación de Ourense.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies