Cata feminina e maridaxe sonora en Ribadavia, o 16 marzo

Trátase da segunda edición dunha cata realizada por enólogas do Ribeiro e na que as protagonistas serán tamén adegueiras e colleiteiras desta denominación de orixe

 

A sumiller Mercedes González dirixirá esta cata en Ribadavia./ Foto: Carlos G. Hervella.

No marco da celebración 8 de marzo, Día da Muller, a Concellería de Benestar Social de Ribadavia organizará o vindeiro 16 de marzo ás 18h. a segunda edición dunha cata dirixida únicamente por enólogas do Ribeiro e, onde as protagonistas serán as mulleres adegueiras e colleiteiras desta denominación de orixe.

É unha actividade que resalta o papel das mulleres do sector viño do Ribeiro, este ano cunha novidade; será “Cata con enólogas da D.O Ribeiro, maridaxe sonoro”, onde se degustarán viños desta denominación elaborados por mulleres e harmonizados con música. “O viño leva consigo un conxunto de aromas, gustos e sensacións que case podemos tocar e, a música estimula e asocia as melodías con momentos, por elo quixemos fusionalo”, din dende a organización.

A cata estará dirixida pola sumiller Mercedes González e nela participarán as enólogas Iria Otero e Cristalina Álvarez, así como as adegueiras Xulia Pivida (Adega Son de Arrieiro), Ángeles Montero (Val do Deva), Duvi González (Dona Elisa) e Mónica Albor (da adega do mesmo nome).

Ademais nesta iniciativa o viño maridará coa música, e máis en concreto coa voz de Mónica Ordás, que que foi cantante principal da orquestra Gran Parada e compoñente do Trío Drippers. Estará acompañada ao piano de Alfredo Susavila, pianista de Roi Casal, mestre de piano e xefe de estudos na Escola Estudio de Compostela.

“O obxecto deste acto non é outro que outorgarlle a visibilidade que, as mulleres tiveron e teñen na identificación desta denominación de orixe como produtora de viños de calidade diferenciada. Nos últimos anos, a presenza da muller no sector vitivinícola vén experimentando un forte aumento. Cada vez atopamos máis enólogas, xestoras de adegas, técnicas, emprendedoras que montan o seu propio negocio no sector enolóxico dende cero”, sinala a concelleira de Benestar Social, Noelia Rodríguez.

Este acto terá lugar o día 16 de marzo ás 18:00 horas na Igrexa de Madalena de Ribadavia. O aforo é limitado, prazo de inscrición por rigurosa orde de inscrición: benestar@ribadavia.es

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies