Publicidade
EconomíaEconomíaÚltima horaViticultura

A cata final para as Distincións Gallaecia 2017 celebrarase na D.O. Valdeorras

As catas previas serán o 7 e o 21 de agosto na sede do C.R.D.O. Rías Baixas
Cata no C.R.D.O. Valdeorras. /Foto: Carlos G. Hervella.

Integrada por  máis de cen sumilleres das catro provincias galegas, Gallaecia é unha asociación sen ánimo de lucro, sen patrocinios nin subvencións, que cumpre 20 anos de existencia. Un aniversario que queren celebrar na D.O Valdeorras, “xa que esta zona vitivinícola foi a primeira en acoller ao noso colectivo”, din. Por iso, a cata final para o Concurso de Viños Distincións Gallaecia 2017 celebrarase do 3 ao 5 de setembro no Complexo Hoteleiro Paladium, en Vilamartín de Valdeorras.

Este certame cumpre 19 anos, consolidado como un dos mellores concursos de viños, no só en Galicia, senón tamén a nivel nacional, e o vindeiro luns día 7 de agosto celebrarase a cata previa das augardentes e licores tradicionais de Galicia e o luns día 21 a cata previa na sede do C.R. dos viños da D.O. Rías Baixas. Tal como adiantan dende a organizacón, nesta edición participarán máis de 600 viños de todas as Denominacións de Orixe de Galicia. Asemade, os distintos paneis de cata foron conformados por catadores de toda a comunidade, xunto a sumilleres de Madrid, Castela León e Asturias.

Con respecto á cata final que terá lugar en Valdeorras a comezos de setembro, celebrarase en tres xornadas: a primeira o domingo día 3 pola tarde; a segunda o luns día 4 ao longo de todo o día; e a terceira o martes día 5 pola mañá. Os membros de Gallaecia que formarán parte dese panel final “son aqueles que teñen participado en maior número de catas previas desta edición e os técnicos que sexan designados polos CC.RR. de Galicia”, puntualizan dende e a asociación de sumilleres.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close