Cita virtual cos viños cada venres da man da sumiller Mercedes González Rodríguez. Trátase dunha iniciativa lanzada dende Xantar cos viños das cinco denominacións de orixe galegas e que se encetará o vindeiro venres 15 de maio ás 19h. con viños da Ribeira Sacra. A iniciativa pretende servir tamén de apoio á candidatura da Ribeira Sacra a Patrimonio Mundial da Humanidade da UNESCO, un dos últimos fíos condutores da última edición de Xantar.
Para participar e seguir esta cita gratuíta a través de zoom, es necesario inscribirse aquí. Logo, tan só hai que descorchar unha botella da D.O. Ribeira Sacra. Na inscrición pódese indicar a marca para a que a sumiller o teña en conta e poida aportar máis matices sobre este viño na cata.
Despois da inscrición recibirase un correo electrónico de confirmación con información para unirse ao seminario web. Ademais está aberta a posibilidade de seguilo a través de Facebook Live dende a páxina de @Xantar.
A organización desta cita, que conta coa colaboración do Consello Regulador da D.O. Ribeira Sacra, propón completar o encontro online cunha deliciosa tapa de pulpo con queixo galego.