Ourense

O catálogo “Quessada. Sociedade e represión” amosa a vertente máis social do artista ourensán

A publicación acompaña a exposición homónima, que exhibe preto de 50 obras na sede de Afundación en Ourense até o vindeiro 4 de marzo
A presentación tivo lugar en Afundación en Ourense. // Foto: Carlos Asensio.

O catálogo “Quessada. Sociedade e represión”, presentouse hoxe, 1 de febreiro, na sede de Afundación en Ourense, no marco da exposición homónima que reúne 47 pezas do artista ourensán. As obras, procedentes de diferentes coleccións públicas e privadas, amosan a vertente máis social e comprometida da obra de Xaime Quessada e son unha conmemoración do décimo aniversario do seu pasamento.

O secretario xeral de Cultura, Anxo Lorenzo, explicou durante o acto de presentación que este libro “captura entre as súas páxinas a memoria da complexa personalidade pictórica de Xaime Quessada, o seu compromiso social e a súa solidariedade”. Conta o catálogo coas achegas de José Gómez Alén, comisario da exposición, do director da Real Academia Española, Darío Villanueva, quen afonda na faceta literaria de Quessada, e do doutor en historia da arte Ángel Llorente, que analiza o realismo e o compromiso na obra do pintor.

No acto de presentación estiveron presentes a presidenta da Fundación Xaime Quesada Blanco, María Jesús Blanco; o comisario da exposición, José Gómez Alén; e a coordinadora da área de Cultura de Afundación, Marité Cores.

O catálogo da mostra contribúe ao entendemento da personalidade e a evolución artística de Quessada e recolle con claridade a súa denuncia dos horrores da guerra, a miseria e a fame. Permite, ademais, apreciar a diversidade artística do autor e as súas obsesións estéticas e constitúe un percorrido polos acontecementos do convulso século XX e as súas consecuencias.

 Lorenzo aproveitou o momento para animar ao público a achegarse a Ourense para ver esta mostra, xa que “é unha oportunidade única para coñecer máis de preto a Xaime Quessada a través dunha importante relación das súas obras.” Unha ocasión “para comprender a relación dialéctica que o pintor mantivo coa arte e co mundo, baseada nunha ética que o levou sempre a defender os principios básicos dos dereitos humanos: a liberdade, a xustiza e a paz”, afirmou o secretario xeral de Cultura.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close