Unha trintena de mulleres compartían na noite do 13 de xuño a tradicional “Cea de Mulleres” organizada desde o CIM de Trives, con motivo do fin de actividades do primeiro semestre. Nesta ocasión celebrábase na Cantina do Catro da vila e a temática da foi era a primavera. De aí que todas as asistentes acudisen cunha flor ou tocado no seu cabelo.
Como novidade, este ano abriuse a cea, ampliándoa a todas as mulleres que quixeran asistir. “Tratábase de fomentar a alianza entre as Mulleres de Trives, propiciando a confianza e o apoio entre elas, conducindo a procura de relacións positivas unhas coas outras , contribuindo a eliminación social de todas as formas de opresión e, en fin, apoiarse mutuamente para lograr o empoderamento de cada unha delas”, explican dende o Concello de Trives.
Fotos: Concello da Pobra de Trives.