A partires das nove e media do 20 de outubro comezarán no Auditorio Ilduara de Celanova as III Xornadas de Convivencia das Agrupacións de Protección Civil (AVPC) de Ourense. Será unha xornada formativa e de encontro entre voluntarios de Protección Civil, así como entre membros de organismos relacionados co mundo das emerxencias como son a Garda Civil, Unidade Militar de Emerxencias (UME), Servizo de Prevención e Loita contra incendios Urbanos e Forestais (SPDCIF), Bombeiros, GES, Cruz Vermella etc etc. Nela espérase contar coa presenza de medio cento de agrupacións ourensás e duns 400 voluntarios.
O programa formativo levarase a cabo a través de diferentes talleres prácticos e estará adicado a temas de interese no eido das emerxencias como é o caso da prevención e loita contra a Vespa velutina, incendios forestais, condución de vehículos todoterreo, a seguridade en probas do motor ou o labor de auxilio e colaboración das AVPC en accidentes de tráfico. Este talleres impartiranse en grupos reducidos e da man de profesionais de cada tema. Haberá ademais unha demostración do Grupo de Montaña da Garda Civil de Trives.
Ademais os participantes no encontro poderán desfrutar de visitas guiadas a diferentes lugares históricos de Celanova como o Mosteiro de San Salvador de Celanova, a Casa Museo de Curros Enríquez ou o conxunto de Castromao.