“A situación é preocupante, de claro crecemento”. Eran as primeiras palabras do conselleiro de Sanidade, Julio García, na rolda de prensa que se está a desenvolver na mañá deste martes para dar conta dos acordos tomados na xuntanza que celebraba onte o Comité Clínico que segue a pandemia do Covid en Galicia.
O conselleiro anunciaba que hai moitos concellos que superan a incidencia de 250. E así concretaba que como consecuencia diso outros 55 concellos galegos entran nas máximas restricións, deles catro son ourensáns: Celanova, Porqueira, Ribadavia, Trasmiras e Vilardesantos. Son desta maneira 116 os municipios galegos con restricións máximas.
Estas medidas serán publicadas hoxe no DOG e entrarán en vigor ás 00h. do xoves 21 de xaneiro.
