Publicidade
EconomíaEconomíaÚltima hora

Celebra e Bebega axudarán con novas ideas aos futuros noivos e aos futuros pais

Ambos salóns serán en Expourense durante esta fin de semana -14 e 15 de outubro- e contarán con obradoiros e pasarelas de moda
Presentación de Celebra e Bebega na CEO. // Foto: Carlos Asensio.

Fin de semana festiva en Expourense. O salón de exposicións da capital das Burgas acollerá esta fin de semana, 14 e 15 de outubro, unha dobre cita para familia: Celebra, o salón de vodas, bautizos e comuñóns e actos sociais; e Bebega, que axuda ás familias a preparar a chegada dun novo membro á familia. A presentación destes ambos salóns celebrouse hoxe, 10 de outubro, na Confederación de Empresarios de Ourense (CEO).

Este ano Celebra chega á maioría de idade, xa que celebra a súa décimo oitava edición. Este ano presenta “unha ampla oferta de produtos e servizos” cos que se dá resposta á complexa organización de actos sociais.

En total, máis dunha ducia de sectores estarán presentes en Celebra, na que destaca a oferta da restauración, organización de viaxes e animación de eventos, que son os que terán maior representación. Asemade, tamén haberá un espazo para a moda nupcial e de festa, alugueiro de vehículos, xoiaría, perruquería, estética, fotografía, floristería, agasallos e prensa especializada.

Pero as pasarelas non marchan de Celebra. O público amante das últimas tendencias en moda nupcial e festas teñen unha cita tanto o sábado como o domingo ás 18:00 horas e contarán coa participación de grandes firmas como Alvarino, Angelo Milano, Dracena; Loyma, Nicandra, Noar Novias, Paris Diffusion. A Axencia Luena será a encargada de coordinar o evento e o director da axencia, Manuel Ángel Varela asegurou que este “vai ser un evento 100% ourensán”.

Dende Expourense sinalaron que Celebra “é unha oportunidade para reactivar o comercio minorista” e apuntan que tamén concentra un importante volume de negocio, “xa que o custo medio dunha voda en Galicia, con preto de 100 convidados, rolda entre os 16.534 euros”, segundo os datos da Federación de Usuarios e Consumidores Independentes.

Bebega

Este salón nace como unha mostra especializada no bebé. As empresas e asociacións participantes ofrecerán unha escolma de produtos e servizos orientados ao benestar do bebé: puericultura, moda, decoración, agasallos… Esta mostra conta tamén coa participación da Asociación Galega de Matronas que participarán nesta cita para resolver as dúbidas tanto das embarazadas como das que veñen de dar a luz. Os participantes tamén poderán participar en sorteos de material para bebés.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close