Publicidade
En portadaÚltima hora

Celébrase en Petín a “premiere” de “María Solinha”, novo filme de Ignacio Vilar

O evento, que tivo lugar este sábado 1 de agosto, incluía "photocall", alfombra vermella, presentación do director e a proxección da película

 

A vila de Petín acolleu este sábado, 1 de agosto, a “premiere” de “María Solinha”, o novo filme de Ignacio Vilar. O evento comezou pouco despois das 21:00, na praza Doutor Quiroga cun “photocall” sobre alfombra vermella. A escolla de Petín como lugar do estreo foi especialmente significativo para Vilar, que é natural desa localidade. Os petineses tamén acolleron calidamente o acontecemento e fixeron cola para ter unha foto co director e as protagonistas, Grial Montes e Laura Míguez. As actrices lucían os traxes deseñados por David Vila para a estrea ademais dos zocos de Elena Ferro da colección “María Solinha”.

 

O director, Ignacio Vilar, durante a rolda de prensa.

 

O peche das salas de cine pola pandemia do coronavirus obrigou a cancelar a estrea da película en multitude de salas do país. “O que decidimos entón foi estrear ao aire libre por toda Galicia. Mañá estamos en Viana do Bolo, o día seguinte en Barreiros e así ata mediados de outubro. María Solinha chega antes á xente do rural que ás da cidade”, explicou Ignacio Vilar.

 

Ignacio Vilar xunto coas protagonistas Grial Montes e Laura Míguez e a alcaldesa de Petín, Raquel Bautista.

 

Despois do photocall, ás 22:15h., comezou a presentación e de seguido, a proxección da película no exterior do Teleclub. O aforo estivo limitado a un total de 200 persoas. A “premiere” tamén contou coa actuación de Abraham Cupeiro, que tocou o carynx, un antigo instrumento de vento que se empregou para a banda sonora. A seguinte cita será na praza Maior de Viana do Bolo, o vindeiro domingo, 2 de agosto.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close