EconomíaEconomíaÚltima hora

A CEO fai un obradoiro para explicar as axudas da Xunta ás PEMES

Os programas InnovaPeme e Pincipia pretenden fortalecer a competitividade mellorando a capacidade innovadora e favorecer a contratación de persoal para I+D+I
Teresa Bernal, da Consellería de Economía e Industria, achegou esa información aos socios.

A Confederación Empresarial de Ourense acolleu hoxe, 19 de xullo, un taller técnico para explicar o contido da segunda edición os programas InnovaPeme 2017 e Principia 2017 e resolver as dúbidas sobre as convocatorias, á vez que propiciar un espazo de networking para o contacto entre entidades.

Diso encargouse Teresa Bernal Cortegoso, xefa do departamento de Servizos e Observatorio da Innovación (GAIN), dependente da Consellería de Economía e Industria da Xunta. A relatora dedicou a primeira parte do taller a desmenuzar os contidos das axudas e as fórmulas para acceder a elas. Logo, tivo lugar un café compartido para favorecer a posta en común de ideas ou dúbidas, ao que seguiu unha quenda de reunións bilaterais co persoal técnico de GAIN.

O programa InnovaPeme 2017 consiste na disposición de axudas para o fortalecemento da competitividade das pequenas e medianas empresas galegas a través da mellora da súa capacidade innovadora, en tanto que o Principia 2017 contempla axudas para a contratación de persoal destinado á realización de actividades de I+D+i en empresas e centros de coñecemento galegos en áreas consideradas estratéxicas para a Comunidade Autónoma.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close