O vindeiro sábado a Casa da Cultura da Pobra do Brollón acollerá unha charla e unha cata de viños da Ribeira Sacra a cargo do enólogo Roberto Regal. A actividade centrarase nos viños diferencias fronte aos estandarizados dentro dun mesmo territorio.
Durante a charla cataranse seis viños que ilustren o tema da charla, con viños máis representativos dos estándares Ribeira Sacra e outros con máis personalidade. Ademais, proxectaranse fragmentos do documental “O espertar do viño en Galicia: a volta ao terroir” (de Pablo Alonso e Eva Parga).
O evento está orientado a adegueiros, viticultores e en xeral a todas as persoas que teñan un interese no viño. Comezará ás 19:00 h e o custo é de 5 euros, destinados a cubrir a cata. É imprescindible reservar, no teléfono 650 624 828 (preferiblemente por WhatsApp).
