OurenseÚltima hora

Charla formativa ao alumnado do ciclo de FP de Cociña e Restauración do IES Lagoa de Antela, en Xinzo

A vogal do CRIIXX das Augardentes e Licores Tradicionais de Galicia e enóloga, Sonia Otero, impartiu a sesión neste centro educativo ourensán

Alumnos do IES Lagoa de Antela de Xinzo asistentes á charla.

 

O Consello Regulador das Indicacións Xeográficas de (CRIIXX) das Augardentes e Licores Tradicionais de Galicia continuaba na mañá do 16 de outubro, co seu programa formativo, cunha charla no IES Lagoa de Antela, en Xinzo de Limia. Ata este centro desprazábase a vogal do Consello Regulador e enóloga, Sonia Otero, quen impartiu unha sesión ao alumnado do ciclo de FP básica de Cociña e Restauración.

O devandito ciclo consta de dous cursos. O primeiro céntrase na cociña e o segundo ocúpase das ensinanzas sobre servizos en sala e cafetería, para que o alumnado adquira os coñecementos necesarios que lle permitan acceder ao mercado laboral.

Tal como explican dende o CRIIXX, Sonia Otero aproveitou esta sesión para ofrecer unhas nocións básicas sobre que é o Consello Regulador, explicando ademais detalles básicos sobre as distintas técnicas de destilación e os diferentes destilados existentes no mercado. Neste sentido, Otero centrouse na problemática existente en torno á comercialización de destilados fraudulentos. “Os únicos produtos que ofrecen todas as garantías de calidade e orixe son os Augardentes e Licores Tradicionais de Galicia”, afirmou, lembrando que para distinguir os produtos amparados “hai que comprobar que leven a contra etiqueta dalguna das nosas catro Indicacións Xeográficas”.

Para facilitar o seu recoñecemento amosáronselle aos rapaces botellas de destilados amparados polas Indicacións Xeográficas de Oruxo de Galicia, Augardente de Herbas de Galicia, Licor de Herbas de Galicia e Licor de Café de Galicia.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close