Aínda que de forma leve, mantense o ascenso de positivos de Covid-19 en Valdeorras. Así, a comarca ten neste xoves 2 de decembro un total de 42 (7 máis que onte), segundo os datos do Sergas actualizados ás 18h. do 1 de decembro.
Os municipios que rexistran aumento de casos con respecto a onte son O Barco que conta con 20 positivos, 2 máis; O Bolo con 1 positivo (ata onte estaba libre de virus), Larouco con 4 (1 máis que onte), Petín 1 caso (ata onte non rexistraba positivos), A Rúa 5 (1 máis que onte) e A Veiga con 6 positivos (o que supón 1 máis que onte). O único municipio que non rexistra cambios é Vilamartín que se mantén con 5 positivos.
Nos concellos de Carballeda de Valdeorras e Rubiá mantéñense libres de coronavirus.
