OurenseÚltima hora

A CHMS mantén a alerta por seca no sistema do Sil Inferior

Os ríos Cabe-Bibei e Limia tamén conservan este estado e o Miño Baixo pasa de estar en alerta a prealerta. Pola súa banda o Miño Alto e o Sil Superior manteñen a prealerta
Río Sil.

O sistema do Sil Inferior -no que se encontra a comarca de Valdeorras- continúa a manter a alerta por seca a pesares das precipitacións destes últimos meses. Así o anunciou o presidente da Confederación Hidrográfica do Miño-Sil, Francisco Marín, tras manter a xuntanza da Oficina Técnica da Seca que se reúne unha vez ao mes. Esta situación de alerta é compartida polos ríos Limia e Cabe-Bibei.

Pola súa banda, o Miño Baixo rebaixa a súa categoría a prealerta e o Sil Superior e o Miño Alto mantéñense en prealerta.

O presidente da Confederación Hidrográfica explicou que a finais de xaneiro tiñan que ter caído case 600 litros por metro cadrado e só caeron 435 o que indica que “estamos a un 27% por debaixo da media”, dixo. Con todo, reiterou que “estamos moito mellor” que ao inicio do ano hidrolóxico.

Nese senso, debullou as cifras de precipitacións deste ano hidrolóxico para explicalo: en outubro caeron 26 litros por metro cadrado, cando tiñan que ter rexistrado 148. En novembro 71, cando os rexistros marcaban 145. En decembro mellorou a cousa, xa que se rexistraron 213 litros por metro cadrado, cando os indicadores sinalan que tiñan que ter caído 162. Finalmente, en xaneiro obtívose un rexistro de 108 litros, cando o normal serían 129.

Así é todo, Marín reiterou que finalmente puideron cumprir o Convenio de Albufeira, que establece que a CHMS ten que achegar certa cantidade de auga ao caudal do río Miño. En concreto, no primeiro trimestre do ano tiñan que ter achegado 404 litros e pasaron 506 e, no segundo trimestre, teñen que achegar, como mínimo, 530 e “a data de 4 de febreiro xa tiñan pasado 969 litros”, dixo o presidente.

Previsións

Segundo a Axencia Estatal de Meteoroloxía, nos vindeiros días vai chover, informou Marín. Por este motivo “febreiro vai ter un nivel normal de precipitacións”, dixo. Así é todo, a perspectiva que establece a Axencia Americana de Meteoroloxía -organismo de referencia para a CHMS- é que vai ser “máis seco do normal”,  aínda que a UE establece que “vai estar dentro da media”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close