ConcellosGalerías de fotosÚltima hora

Chocolate con churros para despedir a tarde de Reis en Quiroga

Despois da Cabalgata e a recepción no Auditorio, celebrábase unha festa infantil no Albergue Municipal

 

En torno ás seis da tarde do 5 de xaneiro os Reis Magos chegaban ao Concello de Quiroga, a primeira parada da visita real a esta localidade lucense. De seguido, trasladábanse á Residencia da 3ª Idade para visitar aos maiores alí residentes e entregarlles agasallos traídos de Oriente.

E xa en torno ás 19:30 h, os Reis subían as súas engalanadas carrozas sitas na rúa Quiroga de Arxentina para, acompañados polos paxes, percorrer a rúa Real ata o Auditorio Municipal, onde eran recibidos polas autoridades locais. Alí nenos e nenas tiveron ocasión de saudar ás Súas Maxestades e aproveitar para lembrarlles cales foron as súas peticións para esa noite.

Como remate da xornada, tiña lugar unha festa infantil no Albergue Municipal, na que os nenos e nenas foron convidados a un chocolate con churros.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close