O centro escolar barquense mantense fiel á tradición celebrando a festa do San Martiño
Na tarde do 11 de novembro, festividade de San Martiño, o arrecendo a chourizo á grella e castañas asadas enchía o patio do CEIP Condesa de Fenosa do Barco de Valdeorras. Esa era a merenda coa que o centro educativo celebraba o tradicional magosto para toda a comunidade educativa.
Todos participaron. Uns asando as castañas e os chourizos; outros cortando e repartido o pan; outros antendendo aos cativos; e os cativos, comendo e xogando.
A música tampouco faltou á cita, cos altofalantes resoando por todo o recinto amenizando á festa previa á fin de semana.
Fotos: Mónica G. Bellver
