EconomíaÚltima horaViticultura

Ciclo superior de FP en Vitivinicultura para IES O Ribeiro

A Xunta estuda a posibilidade de implantar o grao para o vindeiro curso
Visita institucional ao IES O Ribeiro.
Visita institucional ao IES O Ribeiro.

A Xunta de Galicia está a estudar a posibilidade de implantar no IES O Ribeiro de Ribadavia, o ciclo de grao superior en Vitivinicultura, “de tal xeito que se complete a oferta de FP no relacionado ao sector vitivinícola, de tanta importancia na comarca do Ribeiro”. Así o anunciaba o conselleiro de Cultura, Educación e Ordenación Universitaria, Xesús Vázquez Abad, na visita realizada ao centro na mañá do 18 de novembro.

O titular do departamento educativo achegábase ata o instituto ribadaviense para comprobar o aproveitamento que se está a facer nas aulas do material adquirido polo seu departamento (cubas, bombas de vendima, e diverso material de laboratorio) para mellorar o equipamento do ciclo de grao medio en Aceites de oliva e viños, “que supuxo un investimento de máis de 36.000 euros do que se poden beneficiar xa os 31 estudantes que cursan este ciclo” explican dende a concellería.

Dende o grupo municipal do BNG de Ribadavia “congratúlanse do anuncio” asegurando que “trátase dunha reivindicación sucesivamente reclamada dende o BNG, que tivo un primeiro paso na posta en marcha do ciclo medio de elaboración de viños e aceites de oliva en 2012”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close