DeportesÚltima hora

A cidade calza as zapatillas e prepárase para seis novas carreiras urbanas de Correndo por Ourense

 

A presentación realizouse no Salón de Plenos do Concello de Ourense // Foto: Carlos Asensio.

Os afeccionados ao “running” teñen esta primavera seis citas ineludibles en Ourense. O VII Circuíto de Carreiras Populares “Correndo por Ourense”. O Vinteún, O Couto, Centro, a Universidade, A Ponte e a Carballeira son os escenarios onde se ubicarán os diferentes circuítos desta competición. O alcalde de Ourense, Jesús Vázquez, o concelleiro de Deportes Mario Guede e representantes dos patrocinadores e colaboradores presentaron esta mañá (5 de abril), no salón de plenos do Concello, esta cita co deporte que propón 6 carreiras cun total de 33,5 quilómetros en rutas polos diferentes barrios da cidade. Jesús Vázquez animou aos ourensáns a “desempoar a roupa de deporte, as zapatillas, a camiseta e a participar nunha proba que xa forma parte do acervo deportivo de Ourense”.

Esta sétima edición contará con 6 probas, todas en horario de mañá, a partir das 12:00 horas nas categorías de menores de idade e a partir das 12:30 horas coa proba de adultos. Por outro lado, a proba do Couto será nocturna, desde as 22:00 horas, con saída ás 22:30 horas na proba de adultos.

Así, segundo anunciaron os membros da organización. O calendario de “Correndo por Ourense” quedaría do seguinte xeito: o domingo, 23 de abril, celebrarase a carreira do Vinteún. Tras esta, o sábado 27 de maio, dará a saída a carreira nocturna de O Couto. O domingo, 25 de xuño, será a “Carreira do Corpus”, polo centro da cidade. Xa pasado o verán e entrados no mes de setembro, inaugurará o calendario a carreira polo Campus o día 3 e lle seguirá a carreira da Ponte, o 24 de setembro. A tempada pecharase o 22 de outubro coa carreira da Carballeira.

Como novidade, a carreira do barrio da Ponte terá un marcado carácter medioambiental xa que, coa colaboración da Consellería de Medio Ambiente da Xunta de Galicia, realizarase un programa de actividades para nenos e adultos destinadas a fomentar a reciclaxe, a recollida selectiva e o coidado da contorna natural.

Inscricións

As persoas interesadas poden inscribirse a través da páxina web do Consello Municipal de Deportes www.deportesourense.com. O prazo remata o mércores anterior a cada carreira, e vólvese abrir ao luns seguinte. A día de hoxe, a 17 días para o inicio o circuíto, xa hai 351 inscritos.

A inscrición no circuíto ten un custe de 7 euros (para as 6 carreiras) nas categorías junior, promesa, sénior e veteranos. Nas restantes categorías é gratuíta. Unha parte da inscrición irá destinada a un colectivo social.

Poden participar atletas federados e non federados. Haberá novamente as categorías pitufos (ano 2011 e posteriores), benxamín, alevín, infantil, cadete, xuvenil, junior, promesa, sénior (1994 e anteriores), e veteranos, en 4 categorías; de 35 a 44 anos, ata 54, ata 64 e maiores de 65. A inscrición e dorsal son únicos para todo o circuíto.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close