ConcellosÚltima hora

A CIG alerta da retirada do helicópero de incendios de Vilanova (O Barco)

Piden o seu retorno “inmediato” a esta base ao considerar que a súa ubicación é “fundamental e altamente operativa dende o punto de vista técnico”
Imaxe dun helicóptero realizando tarefas de extinción./ Foto: Arsenio Blanco.

A Confederación Intersindical Galega (CIG) vén de emitir unha nota de prensa na que alerta da retirada do helicóptero de incendios da base de Vilanova (O Barco), “deixando ao descuberto o Distrito XIII, coa orografía máis complicada de toda Galiza e cunha riqueza ecolóxica e forestal dun importantísimo valor”.

No texto do comunicado tamén se indica que “temos coñecemento de que a base do helicóptero de Vilanova se atopa a día de hoxe pechada, sen helicóptero, estando totalmente desaproveitada para a protección do medio incumprindo o obxectivo para o que fora concebida”.

A CIG considera ademais un “grandísimo erro a retirada do helicóptero de Vilanova” e solicita “aos responsables da Consellería que fagan o indicible para arranxar os supostos problemas que presenta a citada ase. Esiximos o retorno inmediato do helicóptero de Vilanova á súa ubicación a cal dende o punto de vista técnico é fundamental e altamente operativa”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close