A Xunta recibiu 5 ofertas para executar as obras de ampliación do Complexo Hospitalario Universitario de Ourense, que suporán un investimento de preto de 52,6 millóns de euros e comezarán a finais deste mesmo ano cun prazo de execución de 40 meses.
O proxecto consta de tres intervencións: a construción dun novo edificio de hospitalización no Complexo Hospitalario Universitario de Ourense, a reforma do actual Hospital Materno Infantil e a mellora de accesos.